عن الوكالات ///

قالت الامم المتحدة اليوم ان الهند غادية تسبق الصين فعدد السكان فاخر هاد الشهر ابريل 2023 وبهاد الرقم غادية تولي الهند الدولة الاكثر كثافة سكانيا. وحسب تقديرات الامم المتحدة غادي يوصل عددها لمليار و425 مليون نسمة.

صندوق الامم المتحدة للسكان كان توقع بهاد الشي قبل فترة. الصين غادية تولي قل من مليار و425 هاد الانخفاض بدا من مدة حسب هاد الصندوق٬ فعدد سكان الصين كينزل من هادي 6 عقود

الدولة الثالثة من حيث عدد السكان هي الولايات المتحدة الامريكية ويالله عندها 340 مليون نسمة. تصورو بعيدة عليها الهند بمليار وكثر من 80 مليون نسمة