23/04/2024 10:20
فجولة دايرها لبعض دول الشرق الأوسط فسياق دولي كترافقو تحديات أمنية كثيرة.. حموشي مشا لقطر فزيارة عمل
كود سلا///
اول مباراة رياضية مباشرة بين المغرب واسرائيل من نهار دار التطبيع كتلعب دابا الاثنين 15 يونيو 2022. المنتخب المغربي لكرة السلة انات ضد منتخب اسرائيل فقاعة البوعزاوي فسلا.
الماتش ما مفتوحش للجمهور. الجامعة الملكية المغربية لكرة السلة رسلات دعوات.
حسب ما عاينت “كود” غالبية الحضور من الشباب من الجنسين. هادو جاو يشجعو المنتخب ديالهم كيف قالو. اي جاو لاسباب رياضية.
طبعا لاسباب امنية ما تفتحش التيران لجمهور اكبر. تقريبا اختارو اللي كيلعب كرة السلة.
هاد الحدث جا بعد اتفاقية دارت بين الجامعتين وحضرها البارح وزير التعليم والتربية الوطنية والرياضة ديالنا والجامعتين الاسرائيلية والمغربية لكرة السلة وحضرها ممثل اسرائيل فالمغرب ومستشار الملك اندري ازولاي.
ولحدود نشر المقال المغرب رابح اسرائيل..
