عمـر المزيـن – مكتب الرباط//

ضربة كبيرة بزايد دارتها المديرية العامة لمراقبة التراب الوطني بمدينة فاس. فقد قدم هاد الجهاز الأمني معلومات دقيقة جدا للمصلحة الولائية للشرطة القضائية بالمدينة، والتي تفيد بوجود شي جوج طونوبيلات عامرين حشيش وداخلين للمدينة.

ووفق ما كشفت عنه مصادر “كود”، فإن مصالح الشرطة القضائية، تمكنت، خلال الساعات الأولى من صباح اليوم الإثنين، من ضبط جوج سيارات قرب مدارة المركب الرياضي الكبير بطريق صفرو. هاد الطونوبيلات كانو هازين تقريبا شي طن ونصف ديال لحشيش.

واشارت المصادر نفسها، أن داك الطونوبيلات اللي كانو عامرين حشيش كانو داخلين من مدينة تاونات. دبا البحث مزال خدام تحت الإشراف المباشر ديال النيابة العامة المختصة.