كود سبور ///

اليوم كان يوم نحس على المنتخبات المغاربية ومصر. كلشي ما طفروش باستثناء المنتخب المغربي. قبل قليل خسرات موريتانيا فاول ماتش ليها فالكان وضد منتخب فاول مشاركة ليه فهاد الكاس وهو منتخب غامبيا. المرابطون طاحو فهاد الماتش.

قبلهم وفنفس المجموعة كانت تونس خسرات مع منتخب مالي بواحد لزيرو فماتش سالى بطريقة غريبة. سالى فالدقيقة 89. لاربيط عيى ما بقاش قاد وهو يصفر النهاية. كلشي دخل يدوش وجا الحكم الرابع باش يكمل الوقت اللي بقى ودخل منتخب مالي ولكن التوانسة ما رجعوش للتيران وهو يصفر لاربيط نهاية الماتش.

قبل هاد اليوم كانت مصر خسرات مع نيجيريا فماتش حيحات فيها هاد الدولة وبينات باللي مرشحة للكاس. اما بطل الدورة السابقة الجزائر فتعادلات فمفاجأة كذلك مع سيراليون.

باستثناء المنتخب المغربي اللي ربح فاول ماتش ليه يوم 10 من هاد الشهر وطلع ب3 النقط ضد غانا٬ حتى واحد ما طفرو من غيرنا.