عمر المزيـن – كود – مكتب الرباط///
“كود” جابت شكون هي حبيبة لقلالش اللّي اطلع ليها الجوك فتعيينات المجلس الوزاري لي كان اليوم ففاس. هاد السيدة سبق ليها خدات الجائزة الكبرى ديال الحسن الثاني للرياضيات وهي فعمرها غير 16 عام.
حبيبة بنت التعليم العمومي ما عمرها قرات فالمدارس الخصوصية. بعد الباك مشات لبولي تيكنيك. وكانت نائبة مدير عام “لارام”.
خدمات لقلالش لسنوات مع ادريس بنهيمة وكملات مع عدو حميد.
مادام لقلالش من مهندسي التحولات اللي عرفتها لارام زمن الجايحة. اللي خدم معاها كيعرفها كتخدم وبالسكات.