كود الرباط//
بعدما تأكد رسميا وفاة اول ضحية من الضحايا 11 اللي ضربهم احد لملايرية فكلميم هاد الليلة، قضية القرطاس فهاد المدينة وصلات للبرلمان.
وتقدم فريق التجمع الدستوري، بسؤال شفوي إلى وزير الداخلية حول تداعيات وفاة شخص وإصابة آخرين نتيجة إطلاق نار بمدينة كلميم.
الفريق ديال التجمع الدستوري طلب من وزير الداخلية يكشف على التدابير الفورية والعاجلة لي غادي ياخد بها في إطار المتابعة الدورية لأصحاب رخص حمل السلاح من المواطنين، خاصة ما يتعلق بسلامتهم العقلية والنفسية.
المصدر قال ل”كود” ان هاد السيد لي هاز السلاح مرفح وباللي عندو رخصة باش تكون عندو مكحلة الصيد اللي خرج بيها للشارع وبدا يضرب فعباد الله.
هاد السيد شدو البوليس حي ودابا كيحققو معاه بناء على تعليمات النيابة العامة.
