كريم الصوفي – كود//
[email protected]
نشرت تقارير اخبارية ايطالية، أن سعيد جزواني القنصل المغربي بمدينة بولونيا فالطاليان زار السبت الفايت مواطن مغربي سيمتو أمين مريض ب “التصلب المتعدد” ومقيم بمنطقة “جيسي” وسلم ليه الباسبور ديالو اللي محتاجو باش يدفعو لوراق ديالو للحصول على تصريح إقامة.
أمين كيبلغ من العمر 50 عام المرض ديالو كيصيب الدماغ والجهاز العصبي المركزي ويقدر يتسبب للمرضى ديالو ف فقدان القدرة على المشي. الجيست اللي دار القنصل المغربي عجب عدد من الجمعويين الايطاليين من أصل مغربي اللي حضرو خلال تسلم أمين للباسبور ديالو واعتابروه لفتة انسانية وعاطفية كبيرة.
IL GESTO / Console marocchino da Bologna a Fermo per consegnare il passaporto ad Amin
