24/04/2024 03:00
السعودية طلبات كثر 33 ألف واحد يرجع طوموبيلاتهم “الهاي كلاس”.. مهددين بالكسايد ومشاهير ونجوم حتى هما معنيين
نجوى المالحي-كود//
خبيرة التجميل اللبنانية جويل مردينيان صدمات جمهورها بعدما حطات فيديو في صفحتها كتحسن وجهها بحال الرجال بماكينة.
جويل بغات من الفيديو توصل رسالة لكاع البنات أن ماشي عيب يكون عندهم هرمونات غير متوازنة ويخرج لهم الزغب، لأن الأنوثة مكنقيسوهاش بالموسطاش ولا بالزغب زايد.
وأكدات جويل لي عندها 44 عام وكدير برامج ديال الجمال والأناقة أنها كتحسن وجهها برازوار ملي كان عندها 18 العام. في الأول كانت كتحشم لكن كلما كبرات تزادت ثقتها في راسها داكشي علاش اختارت تصور الفيديو لي حطات فالكونط انستگرام ديالها.
وقالت جويل أن الزغب في وجه العيالات ماشي عيب وماشي استثناء، والأمر طبيعي وعادي وخاص كل مرا تزيد ثقتها في راسها.
