وكالات //

النجم البرتغالي ديال نادي مانشستر يونايتد الإنكَليزي، كريستيانو رونالدو، هو من بين النجوم اللي حاضيين ومهتمين بزاف بالشكل والفورما ديالهم، وهاد الاهتمام فات مجال “المسموح بيه” فالرياضة والماكلة الصحية، لأنه كيعتامد على البوطوكس والجراحات التجميلية العصرية.

جورنال “ماركا” فالصبليون قال بللي رونالدو اللي فعمرو دبا 37 عام، عندو فورما مثالية وشكل شبابي، وكيعاون راسو حتى باستخدام العلاجات الجديدة للحفاظ على الحيوية والشباب.

وزاد نفس المصدر بللي رونالدو كيدير حقن البوطوكس، فوجهو وأماكن فجسمو، منها أماكن حساسة وتناسلية، والغرض هو يزيد الحجم ديالها.

وقال الجورنال المذكور بللي كريستيانو رونالدو زارع الشعر، وعندو سونتر خاص ديال هاد النوع من “الزراعة” كتجيريه صاحبتو جورجينا فالعاصمة الصبليونية مدريد.