25/04/2024 23:35
أخنوش على الحوار الاجتماعي: نمتنى فبداية الأسبوع الجاي نلقاو حل مع النقابات لي بغيناها تناقش إصلاح التقاعد حينت إلى بقينا هوكا غنكونو قدام المشاكل فـ2028
كود//
كما العادة دارت “كود” دورة ف الجورنالات اليومية ديال اليوم الاربعا 17 اكتوبر ، وجابت اهم الخبيرات:
فضيحة ف مجلس المستشارين
نبداو مع جورنال الاخبار اللي كتب ان المستشار عبد الكريم الهمس من البام والبكوري من الاحرار وزيد عليهم حفيظ عابد اللي حيدات ليه المحكمة الدستورية منصبه، شدو 23 مليون سنتيم مشاو بها لميريكان باش ينوبو على شي منظمة اوروبية لمراقبة الانتخابات ولكن منظمة التعاون الاقتصادي و الامني اللي كان خصها تصرف على هاد القضية مادارتش خدمتها و المجلس عطاها من ميزانيتو و دابا صندوق الديبلوماسية البرلمانية خاوي.
المغرب شد الخاطر لفرنسا
ندوزو لجورنال اخبار اليوم اللي قال انه وبعدا مشاكل وقعات بني المغرب وفرنسا ملي مشا الرايس ماكرون واستقبل مرات الارهابي توما كالي اللي مشدود ف المغرب ووعدها بلي غادي يتدخل باش يجيبو لفرنسا، المهم دابا المغرب وافق على ترحيل هاد السيد لفرنسا باش يكمل فيها العقوبة ديالو.
