’’طاقة‘‘ الإماراتية باغية تشري “ناتورجي” الإسبانية والكابرانات رجعوها مؤامرة اقتصادية والمغرب طرف فيها
كود سبور //
شارك المدافع جواد اليميق البارح بالليل مع فريقو “جنوى” فالعاصمة روما، فمواجهة فريق “روما” المحلي برسم الدورة 33 من منافسات سيري أ.
وبهاد المشاركة غايكون نجم فريق الرجاء البيضاوي السابق، سجل سابقة هي اللولة من نوعها فتاريخ احتراف اللاعبين المغاربة، باعتبارو أول لاعب مغربي كينتقل مباشرة من منافسات البطولة الوطنية بالمغرب، لمنافسات سيري أ بإيطاليا.
فإلى غاية يوم 18 أبريل 2018 ، جميع اللاعبين المغاربة الي سبق ليهم شاركوا فمنافسات “سيري أ” ، كانو جاو عن طريق بطولات أوربية.
وكان عادل رمزي في صيف 1997، التاحق بفريق “اودينيزي” قادما إليه من فريق الكوكب المراكشي، إلا أن الأداء ديالو مقنعش المدير التقني وحركو عليه فإتجاه “فيلم” الهولندي.
وكان قبل هاد الماتش الي شارك فيه أساسي، كيجلس غير فدكة الإحتياط ، وسط تساؤلات عديدة على مدى جاهزيتو باش يشارك في منافسات “سيري أ”، وبالرغم أن أول مشاركة ليه كانت قدام فريق قوي من حجم “روما” الي مؤخرا قهر فريق برشلونة في منافسات أبطال اوروبا وقصاه، إلا أنه وقع على مباراة جيدة بحسب مختلف المتتبعين واخا خسرات فرقتو ب2-1 ، ونقطو ليه (6.5) ولي هي بالمناسبة أفضل نقطة تسجلات بين اللاعبين ديال فريقو جنوى .