نجوى المالحي -كود//
المغنية جميلة البدوي كتوجد الجديد. البارح دخلات الاستوديو في دبي باش تسجل أغاني جداد، وقالت ان الأغنية الأولى غادي تكون واجدة من هنا للشهر جاي.
بنت كازا لي ولات أول مغنية عربية كتضرب نص مليار مشاهدة في اليوتوب بأغنية “دمدومة”، قالت أنها ملي كتبدا توجد الأغاني خاص تشبع نعاس، لكن هاد المرة مقدراتش.
ومقالتش جميلة واش غادي تصور الأغنية على طريقة الفيديو كليب ولا لا، المهم كل مرة كتعطي معلومة جديدة للجمهور ديالها.