كود سبور//

من المنتظر تعرف المباراة الودية بين المنتخب الوطني المغربي لكرة القدم والباراكواي اليوم الثلاثاء فمدينة اشبيلية فالصبليون، حضور جماهيري أقل من الماتش اللي لعبت ليكيب ناسيونال ضد الشيلي الجمعة الماضي فبرشلونة.

وحسب وسائل إعلام إسبانية فعدد الحضور ديال الجمهور فالماتش ما بين المنتخب الوطني المغربي والباراكواي واللي غيتلعب فتيران بينيتو فيامارين، لن يتجاوز 10 آلاف متفرج، وهو العدد اللي قليل بالمقارنة مع الماتش الماضي اللي حضر ماتش المغرب والشيلي فبرشلونة واللي تقدر بحوالي 30 ألف متفرج.

وكتعرف المباراة ما بين المنتخب الوطني المغربي ومنتخب الباراكواي اللي فتبدا مع 8 مساء بالتوقيت المغربي، استنفار أمني كبير فمدينة اشبيلية وتعزيزات أمنية كبيرة فمحيط التيران والداخل ديالو، حيث المنظمين باغيين يتفادو تكرار سيناريو اقتحام الجمهور لأرضية الملعب كيفما دارو محسوبين على الجمهور المغربي فماتش المغرب والباراغواي.