وكالات //

تاهمات الممثلة الأميركية “إيڤان رايتشل وود” المغنّي “مارلين مانسون” باغتصابها ملي كانو كيصورو فيديو كليب ديال أغنية ديالو.

ووجهات وود اللي تشهرات بأدوارها فمسلسل “ويستوورد” (Westworld) وفي فيلم “ثيرتين” (Thirteen)، (وجهات)  اتهامات لمانسون فالفيلم الوثائقي “فينيكس رايزينكَ” (Phoenix Rising)، وكشفات أن جريمة الاغتصاب وقعات فعام 2007 ملي كانو كيصورو أغنية مانسون “Heart-Shaped Glasses”.

وقالت إيڤان رايتشل وود: “حنا تافقنا باش نصورو لقطة كنمثلو فيها بحالا كنمارسو الجنس، لكن ملي بدا التورناج مارس عليا مانسون الجنس ديال بصح فوق خاطري”.

وبدات وود علاقة غرامية مع مانسون فـ2006 ملي كان عندها 18 عام، وكان هو عندو ديك ساعات 37 عام.