كريم الصوفي – كود//
نشرات يومية بوبليكو الاسبانية تحقيق ديال صحافي ديالها صيفطاتو للمغرب وتلاقى ف كازا بمجموعة من الحراگة السودانيين اللي فلتو من مأساة مليلية فمدرسة مهجورة فالناظور. “بوبليكو” قالت أن السلطات المغربية هجرات المئات منهم قسرا من ضواحي الناظور ومليلية.
نور الدين السنوسي، حراگ سوداني تلاقا بيه صحافي “بوبليكو” فكازا وحكا ليه تفاصيل اللي واقع. نور الدين السنوسي اتهم الحرس المدني والقوات العمومية المغربية بتعريضه للعنف المفرط وعدم تقديم المساعدة الطبية ولقا راسو مع 30 واحد فكار ما وقف حتى لقلعة السراغنة. السنوسي اللي كشف لمبعوث “بوبليكو” عن إصابته برصاصة مطاطية قال ان لطخ حوايجو وراسو بدم واحد ميت حداه غير باش ما يضربوهش.
اللاجئ السوداني قال أنهم كانو فمواجهة الهراوة ورذاذ غاز مسيل للدموع والرصاص المطاطي من كل جهة، واللي مبغاش يتفهم ليه، هو غير تحلات البوابة ديال المعبر لقاو راسهم قدام قوات مخلطة بين الصبليون والمغاربة فوق التراب الاسباني.