كود كازا//

علمت “كود” ان قضية الطالب المغربي اللي كيقرا في الصين وقتلو طالب آخر، ساكن معاه في نفس الدار، مازالة ماتسدات.

مصادر اكدات لـ”كود” ان السلطات في الصين مابغاوش يعطيو الجثة للعائلة الهالك، قالولهم حتى يسالي التحقيق.

واضافت ذات المصادر لـ”كود” ان  الدراري كلهم اللي كيقراو مع القاتل والمقتول، قررو يرجعو بحالهم للمغرب بقوة الصدمة.

وقالت مصادر اخرى لـ”كود” ان عائلة المغربي القاتل ديجا خداو محامية في الصين، ولكن ماتقدر دير والو حتى تصيفط ليهم الأوراق باش يعطيوها التوكيل، وحتى القانون تما كيمنع أي اتصال بالمتهم حتى يسالي التحقيق، والجثة   ماغاديش تسلم دابا حتى يسالي التحقيق..

والسفارة المغربية كانت متعاطفة مع العائلتين وكدير الممكن باش تسهل عليهم الإجراءات.