هناء ابو علي-كود//
اكبر صحيفة الكترونية من حيث المتابعة ف بلجيكا ، ار تي ال ، كتبات على اللي وقع بسبب انتشار صور شابات بلجيكيات تطوعو يخدمو ف دوار تارودانت باش يقادو الطريق مع جمعية محلية.
هناء ابو علي-كود//
اكبر صحيفة الكترونية من حيث المتابعة ف بلجيكا ، ار تي ال ، كتبات على اللي وقع بسبب انتشار صور شابات بلجيكيات تطوعو يخدمو ف دوار تارودانت باش يقادو الطريق مع جمعية محلية.
هاد الشابات اللي من جمعية بورد الفلامانية كترواح اعمارهم مابين 15 و 18، وكانو لبسو لباس الصيف و الحرارة الشديدة الشيء اللي جعل معلقين ف الفايسبوك يكتبو عليهم ووصلات الامور لدرجة اعتقال استاذ دعا لقطع اعناقهم ف تعليق ربما ساخر .
الصحيفة الالكترونية ار تي ال كتبات ايضا على تعليق البرلماني من البيجيدي علي العسري على الموضوع اللي اعتبرو مؤامرة على المنطقة المحافظة و نسا ان هاد الشابات ف الحقيقة راه غير طفلات قاصرات.. . اما اغلب المعلقين البلجيكيين ف موقع الصحيفة المذكورة ولاو يعتقادو ان المغرب بحال افغانستان..
مصادر “كود” ف بروكسيل قالت ان الجمعية اللي من زمان وهي كتعاون بشراكات مع جمعيات في منطقة تارودانت ولات كتفكر تلغي انشطتها ف المغرب بسبب هاد ردود الفعل الغريبة.