كود مراكش//

كاين اللي مسالي قبو ما كيهمو لا كورونا لا التداعيات الاجتماعية ديالها على الناس. مركز غير مع ارضاء الشغف المرضي والإجرامي ديالو. هذا حال واحد المتهم كيتحاكم دابا قدام غرفة الجنايات الابتدائية (عنف ضد النساء تلبسي) بمحكمة الاستئناف بمدينة مراكش بسبب تورطه في جرائم الاغتصاب ومحاولة الاغتصاب وجنحتي انتحال صفة دركي والتحرش الجنسي والضحايا ديالو جوج دريات.

بقا كيعطيهم حلاوة اللسان ودار راسو جدرامي وربط معاهم علاقة صداقة عادية تطورات بسباب الكذوب والطمع لاعتداءات وتحرشات جنسية. المحاكمة ديالو عاد بدات والمثير فيها أن عدد المشتكيات يقدر يرتفع بسباب وجود أخريات مقدروش يقيدو بيه بسباب “العار والفضيحة”.