كود فاس ///

قال ادريس الادريسي الازمي عمدة فاس ورئيس فريق المصباح في البرلمان ل”كود” باللي ما نادمش على كل كلمة قالها البارح فالبرلمان باش هاجم عينة من المؤثرين.

الازمي رد على سؤال ل”كود”: واش نادم على اللي قلتيه البارح وخلى كثار يهجمو عليك؟ قال ل”كود”:” ابدا ما ندمتش. ما ندمتش ولا ثانية وحدة”.

الازمي اكد ل”كود” باللي هدر على المضللين فالتواصل الاجتماعي للعمل السياسي وللهجوم على المؤسسات ماشي شعب الفايسبوك.

بخصوص عبارة الديبشخي اللي وظفها قال الازمي ل”كود”: “هاديك عبارة كنقولوها هنا ففاس. هي لغميق. شي حد كيدخل ويخرج فالهدرة وكيمارس عليك التضليل”.