كود سبور //
البارح المغرب ربح “الشان” للمرة الثانية على التوالي وقبل منها بعام بالضبط وفنفس النهار دا كاس إفريقيا ديال الفوتسال فالعيون وزيد عليه التطور ديال المنتخبات كاملة و حتى الأندية. التطور ماشي غير فالكرة والتسيير حتا فواحد الناحية اللي بزاف متبعينها وعندها تأثير كبير واللي هي التواصل وخصوصا الديجبتال.
الجامعة والمنتخبات طلعو النيفو بزاف فالأشهر الماضية فالتواصل الاجتماعي، بداو يلعبو باللغات العربية والإنجليزية، تاينشرو الصور والفيديوهات بسرعة وتايتبعو اللاعبين والمحترفين وأدائهم مع الأندية.
هادشي عجب الناس بزاف واللي بان الإعجاب فالتفاعل الكبير بزاف وبلغ الآلاف ديال اللايكات فكل منشور، وحتا التصاميم ولات متطورة وتايخذها كولشي ويعاود ينشرها، بحال التصميم ديال البارح وفوز الشان اللي خداوه جميع اللاعبين الدوليين وحتا النجوم المغاربة وعاودو نشروه.
