كود- عن Jerusalem Post//

معول جريد كوشنير، المستشار السياسي الرئيسي للرئيس الأمريكي السابق لدونالد ترامب، وراجل بنتو ايفانكا ترامب، يحل شركة ديال الاستثمارات، فالشهورا الجايين، وينسحب حاليا من الحياة السياسية.

ودابا كوشنير فمراحل متقدمة لإقامة الشركة، اللي طلق عليها اسم Affinity Partners، وغيكون المقر الرئيسي ديال هذ الشركة فميامي، فميريكان، لكنه غيتفتح مكتب ليها حتى فإسرائيل.

ومكتب الشركة الجديدة فإسرائيل غادي يشرف على استثمارات جهوية، بين اسرائيل ودول الخليج، والهند، وشمال إفريقيا، وخاصة المغرب

وقبل ما يكون كوشنير مستشار سياسي، كان كيشغل منصب المدير العام لشركة “كوشنير كومباني”، شركة العقارات اللي كتملكها العائلة.

وانتقل كوشنير للعيش فميامي مع مراتو إيفانكا ترامب، وقرر يخرج من الحياة السياسية، ويدخل القطاع الخاص من خلال شركتو الجديدة اللي راه فمراحل تأسيسها الأخيرة.

فنفس الوقت، استغل كوشنير هذ الست شهور من بعد خروجو من البيت الأبيض، بعد انتهاء ولاية ترامب، من أجل التركيز فكتابة كتاب جديد، غيهضر فيه على هذ التجربة، ومن المتوقع يخرج الكتاب ف2022.

https://m.jpost.com/j-spot/jared-kushner-to-open-investment-firm-675172