جمال بناصر – كود//
البوليس ديال غرناطة شدو مغربية، من اللي مشاو يخدمو ف الفريز، بعدما ثبت أنها بغات تلصق تهمة اغتصاب وهمية لواحد السبليوني عمره 86 سنة..
و حسب وكالة “أوروبا بريس”، فإن المتهمة المغربية اللي حارگة بإسبانيا طاحت على هاذ البلان باش تنتقم من الشيباني السبيوني بسبب تراجعه عن مساعدتها في تسوية وضعها القانوني.
و كانت المغربية و السبليوني اتفقوا باش يلعب دور صاحبها و يتسجلو ككوبل في سجل “نظام المعاشرة بلا زواج” بمكتب مدينة غرناطة باش يطلعو ليها اوراق الاقامة، بل ما يوقع بينهم شي خلاف و يمشي شريكها يضرب على سميتو من هاذ السجل و بالتالي حرمها من فرصة حلمها بتسوية وضعيتها القانونية.