كود الرباط//

اسماء بارزة فاللائحة الوطنية للشباب كان عندها حضور قوي فالبرلمان فالولاية التشريعية السابقة، رجعات اليوم للبرلمان من باب الدوائر المحلية، بحيث تمكنوا من الحصول على مقاعد برلمانية رغم وجود منافسة قوية مع كبار المنتخبين.

ابرز هاد الاسماء، كاين مصطفى بايتاس عن التجمع الوطني للاحرار، اللي معروف بمداخلات سياسية، اشهر هاد المداخلة دفاعو عن مول الحانوت ضد شركة بيم التركية، وكذا تحذيرو من استغلال الاحسان العمومي الاخواني فالانتخابات. جاب مقعد فسيدي ايفني باسم الاحرار وتحدى كبار المنتخبين فهاد الدائرة الصعيبة.

ثاني هاد الاسماء، خالد الشناق، عضو لجنة المالية، اشاد به وزير المالية محمد بنشعبون ف احد لقاءات مناقشة مشروع الميزانية، كان عندو حضور قوي فلجنة المالية، بكفاءتو وبقوة الإقتراحات اللي كيعطي، نشيط ودائم الحضور، بالاضافة الى انه رجل اعمال ناجح وشاب ترافع على سوس بشكل عام ومدينة ايت ملول بشكل خاص. برز بقوة اثناء مناقشة المادة 9 اللي ثارت جدل كبير فقانون مالية 2020.

شناق جاب معقد ف دائرة ايت ملول انزكان، لحزب الاستقلال للي جاب مكانش عندو مقعد فهاد المدينة، ولاول مرة دخلها عن طريق الشناق للي استقل من الاحرار ومشا مع الميزان.

الاسم الثالث هو عبد المجيد الفاسي، انيق وتدخلاتو كانت فالمستوى ومكيديرش البوليميك، محافظ استقلالي قح. تحدا شباط ف قلعتو بفاس وربحو.

الفاسي استقلالي تحدا شباط والازمي، هزمهم.