الرئيسية > ميديا وثقافة > ثرات يهودي كبير بالمغرب.. من أقا بطاطا: قطع اثرية وفلوس قدام وعقود تجارية وشهادات زواج وكنوز كانت غتعرض للسرقة كتوثق لتاريخ عميق بين المغاربة وخوتهم اليهود
21/03/2023 09:00 ميديا وثقافة

ثرات يهودي كبير بالمغرب.. من أقا بطاطا: قطع اثرية وفلوس قدام وعقود تجارية وشهادات زواج وكنوز كانت غتعرض للسرقة كتوثق لتاريخ عميق بين المغاربة وخوتهم اليهود

ثرات يهودي كبير بالمغرب.. من أقا بطاطا: قطع اثرية وفلوس قدام وعقود تجارية وشهادات زواج وكنوز كانت غتعرض للسرقة كتوثق لتاريخ عميق بين المغاربة وخوتهم اليهود

كود كازا//

كشف موقع “تايمز اوف إسرائيل”فروبورطاح على تاريخ اليهود فالمغرب، انه فواحة اقا جوج علماء أثار من اصل فريق من ستة باحثين من المغرب وإسرائيل وفرنسا بداو كيقلبو فواحد الكنيسة على اثار اليهود والتاريخ ديالهم بالمغرب.

وأضافت الصحيفة الاسرائيلية أن البحث جا فإطار مشروع إحياء التراث اليهودي فالمغرب اللي بدا كيضيع واللي لعبات فيه العلاقات المغربية الاسرائيلية والتطبيع دور مهم.

الكنيسة جات فوسط “الملاح” (الحي اليهودي)، اللي كيعطي فكرة على حياة مجتمع أقا وعلى اليهود فأقا اللي كانت من قبل مفترق طرق للتجارة عبر الصحراء.

وفهاد الإطار كيقول صغير مبروك ، عالم آثار من المعهد الوطني للآثار والتراث الثقافي المغربي، انه ضروري يتخدم على هاد الانواع من المساحات اللي ممكن تختفي.

وحسب ذات الصحيفة فإن الجالية اليهودية فالمغرب وصلات للذروة فالقرن 15 من بعد الطرد الوحشي لليهود السفارديم من إسبانيا وبحلول أوائل القرن العشرين ، كان تقريبا حوالي 250000 يهودي فالمغرب، ولكن من بعد موجات الهجرة ديال اليهود لإسرائيل انخفض العدد ل 2000 فقط اليوم.

وتؤكد عالمة الأنثروبولوجيا الإسرائيلية من أصول مغربية أوريت واكنين أن مشروع الحفريات “كيهدف لدراسة مجتمع اليهود بصفتو جزء لا يتجزأ من المجتمع المغربي وليس من زاوية يهودية بحتة”.

الباحثين لقاو قطع أثرية وعقود تجارية وشهادات الزواج ولماعن وفلوس قدام وخا الكنيسة بدات كتريب حيث كانت محاولة للسرقة ديال الكنز المدفون تحت تراب . واللي مكانتش اول محاولة نهب بحيث تم تسجيل محاولة نهب مماثلة فكنيسة أغورد تامانارت المدمر .

المهندسة المعمارية المغربية سليمة ناجي هي اللي شرفات على عمليات الترميم فمنطقة اكرض تمنارت وتاكديرت،
وتمكن الفريق من حفظ معظم القطع ، حوالي 100000 قطعة بما في ذلك أجزاء من المخطوطات والتمائم،
ومن أكثر من 10 سنين ، بدات بإعادة إنشاء تصنيف جميع المعابد اليهودية فالمنطقة.

وفهاد الإطار قالت المهندسة المعمارية سليمة الناجي ان عمليات الحفر فتاكديرت مزالة مستمرة لإعادة لإضاءة وأضافت أن السكان المسلمين كيرحبو بترميم الحي اليهودي السابق.

https://www.timesofisrael.com/archaeologists-search-for-signs-of-jewish-past-in-moroccos-southern-oases/

موضوعات أخرى

29/03/2024 00:00

نقابة الصحافة زادت دروس أخرى على دروس “الهاكا” فقضية فبركة جريمة شفرة على المباشر.. كنبهو للانزلاقات الكثيرة لي كتوقع فعمل بعض الإذاعات الخاصة ويجب إعادة النظر فالقانون المنظم للقطاع السمعي البصري

28/03/2024 23:30

جثة مجهولة كلاوها الكلاب فالطريق بين العيون وفم الواد دارت استنفار فالجوندارم

28/03/2024 23:00

الفيفا طالبو الصبليون يوضحو لهم تهم الفساد المالي الموجهة للرئيس السابق روبياليس وللمعتقلين فالقضية