وكالات//

بان الممثل الميريكاني توم كروز في فيديو واقف فوق طيارة طايرة فالسما، باش يروج للجزء الجديد من سيري الافلام Mission Impossible، ولي غادي يخرج في يوليوز 2023.

توم كروز بان في الفيديو وهو گالس فوق الطيارة وكيهضر على العمل الجديد ديالو Mission Impossible – Dead Reckoning، لي كيصوروه في جنوب افريقيا، وفاش سالا الهضرة وقف والطيارة تحركات بسرعة كبيرة وهو واقف فوق منها.

اللقطة كتسكت القلب خصوصا أنها حقيقية وماشي خدعة سينمائية، وكتمثل الدور لي كيديرو توم كروز في افلام “مهمة مستحيلة” لي كيحققو شهرة كبيرة.