الرئيسية > آراء > تنفرد بنشرها “كود” سلسلة “كيفاش السلاطين ديال المغرب كايشوفو “ريوسهوم” وكايشوفو السلطة ديالهوم وكايحميوها؟ آشنو هي مكانة الدستور في المغرب في ظل هيمنة المؤسسة الملكية على الحقل السياسي الديني في المغرب (4)؟ ح 162
24/09/2018 10:00 آراء

تنفرد بنشرها “كود” سلسلة “كيفاش السلاطين ديال المغرب كايشوفو “ريوسهوم” وكايشوفو السلطة ديالهوم وكايحميوها؟ آشنو هي مكانة الدستور في المغرب في ظل هيمنة المؤسسة الملكية على الحقل السياسي الديني في المغرب (4)؟ ح 162

تنفرد بنشرها “كود” سلسلة “كيفاش السلاطين ديال المغرب كايشوفو “ريوسهوم” وكايشوفو السلطة ديالهوم وكايحميوها؟ آشنو هي مكانة الدستور في المغرب في ظل هيمنة المؤسسة الملكية على الحقل السياسي الديني في المغرب (4)؟ ح 162

اعدها لكود الاستاذ الباحث عبد اللطيف اگنوش///

ذككرت بهاذ التجربة ديال برلمان وحكومة 1963 باش نقول أن دستور 1962 كان يمكن يتحوول تدريجيا إلى مؤسسة حقيقية لو أن الأحداث السياسية والاجتماعية خذات منحى آخر من غير للي خذاتو بين 1963 و1965…بحيث أن إعلان حالة الاستثناء وتعليق الحياة البرلمانية دفع بالمعارضة الرسمية وغير الرسمية إلى التطرف ونهج سياسة “كل شيء ولا لا شيء”…وفي المقابل كان رد المؤسسة الملكية على هاذ التطرف أنها ابتاعدات على “القراءة والممارسة” الليبرالية للدستور، ومشات لحد أنها راجعات الدستور نفسو ووضعات دستور جديد في 1970 للي ماكان عندو من الدستور غير الإسم وصافي…بحيث أن الوزير الأول اصبح مجرد “عون إداري”، واصبح البرلمان مجرد غرفة للتسجيل والتسليم…بعبارة أخرى، أن النص الجديد ديال 1970 كان ترجمة قانونية ودستورية لحقيقة السلطة الملكية في المغرب، أي سلطة ثيوقراطية وأوتوقراطية جعلات من نفسها “المؤسسة الوحيدة” الضرورية والقادرة على ضمان سير وتسيير النسق السياسي برمته..وهو بالطبع سلوك في منتهى الخطورة لأنه أدى إلى عزل المؤسسة الملكية على باقي المجتمع السياسي وعلى القواعد الشعبية بنفسها…وهاذا هو للي فسح المجال أمام الجيش باش يتدخخل بعنف جوج ديال المرات ولكن من حسن الحظ بدون أي نتيجة تذكر، اللهم إلا استثنيت أن المؤسسة الملكية فهمات هاذ الخطورة وحاولات تداركها بالعمل على إعادة بناء القواعد الاجتماعية والسياسية ديالها لرسم المعالم ديال حقل سياسي جديد مازال الآثار ديالو حاضرة إلى يومنا هاذا…

المسلسل ديال إعادة بناء القواعد السياسيو والاجتماعية ديال السلطة الملكية بدا من إفساح المجال للأحزاب السياسية ديال المعارضة باش ترجع من جديد للحقل السياسي عبر التكتل للي دارتو في إطار ما سمي “لالكتلة الوطنية”، وفي نفس الوقت سارعات المؤسسة الملكية لوضع دستور جديد لتجاوز “أزمة دستور 1970″، ولكن وضعاتو بنفس المسطرة للي تبعاتها في وضع دستور 1962 و1970، يعني مبادرة ملكية عن طريق تعيين لجنة من الإخصائيين في القانون الدستوري، ثم اللجوء لاستفتاء شعبي بتاريخ فاتح مارس 1972…وفي الوقت للي توثثرات العلاقة بين المؤسسة الملكية والجناح الراديكالي للاتحاد الوطني للقوات الشعبية، ماحصلش اتفاق بين الكتلة الوطنية والملكية على خلق “حكومة وطنية” للإشراف على الانتخابات التشريعية…في هاذ الجو ديال “عدم الاتفاق”، سارعات المؤسسة الملكية لتجاوز “الكتلة الوطنية” على اليسار ديالها بإنتاج خطاب وممارسة “أكثر وطنية”، وذلك عبر المطالبة الدولية باسترجاع الصحراء الغربية من الاستعمار الإسباني، وبتنظيم “مسيرة خضراء نحو الصحراء” شاركو فيها 350 ألف مواطنة ومواطن، إلى جانب زعماء المعرضة بنفوسهوم!!

النتيجة للي خلقها هاذ الواقع السياسي الجديد هي أن السلطة الملكية صبحات الفاعل السياسي الأساسي للي انفارد بحكم البلاد انطلاقا من تدبير ملف ما سكي “بالقضية الوطنية المقدسة الأولى” من جميع جوانبها العسكرية والسياسية والديبلوماسية…وفي نفس الوقت عم واحد الجو من “الإجماع الوطني” للي خللى المؤسسة الملكية تتصدى لجميع من يحمل آراء مختلفة ومنافية لرؤى الماليك الحسن الثاني حول هاذ القضية “المقدسة”..والجميع نسى أو تناسى أنه يعمل على بعث الروح في دستور 10 مارس 1972، بحيث استغرقات المرحلة الانتقالية الفاصلة بين إصدار الأمر بتنفيذ هاذ الدستور وبين تنظيم الانتخابات التشريعية 5 سنوات ونصف أي حتى لعام 1977..والانتخابات التشريعية للي جرات في هاذ السنة خرجت منها أغلبية حكومية كايحتاكرها حزب “الأحرار” بزعامة السي أحمد عصمان نسيب الماليك..وشاركوه في الحكومة ديال البلاد الاستقلاليين ديال المرحوم السي أحمد بنسودة…هاذ الأغلبية للي خرجات من هاذ الانتخابات أددات لتفكك “الكتلة الوطنية”، وبرز الاتحاد الاشتراكي للقوات الشعبية بزعامة المرحوم عبد الرحيم بوعبيد كقوة معارضة في البرلمان الجديد…

 

موضوعات أخرى

29/03/2024 00:00

نقابة الصحافة زادت دروس أخرى على دروس “الهاكا” فقضية فبركة جريمة شفرة على المباشر.. كنبهو للانزلاقات الكثيرة لي كتوقع فعمل بعض الإذاعات الخاصة ويجب إعادة النظر فالقانون المنظم للقطاع السمعي البصري

28/03/2024 23:30

جثة مجهولة كلاوها الكلاب فالطريق بين العيون وفم الواد دارت استنفار فالجوندارم

28/03/2024 23:00

الفيفا طالبو الصبليون يوضحو لهم تهم الفساد المالي الموجهة للرئيس السابق روبياليس وللمعتقلين فالقضية

28/03/2024 22:35

اشناهي المواد الغذائية الفاسدة اللي تشدات ف15 يوم درمضان؟ 402 طن فيها 106 من التوابل و60 طن من العصير و35 طن من لحليب و34 طن من السكر واتاي