كود- مكناس
—
عرفت داخلية مدرسة مولاي سماعيل بمكناس نشاط احتجاجي غير مسبوق ، حيث قضى تلميذاتها ليلتين في العراء خارج غرف الإيواء ، احتجاجا على إدارة المؤسسة لعدم توفيرها للأمن وحماية التلميدات ، حيث عرفت الداخلية اقتحام غرباء لغرف البنات والقيام بممارسات شاذة حسب ما يظهر في الصورة ، السيد كان كيسمني على البنات من بعيد شوية ملي مالقاش الأمن زاد فيه وولا كيدخل على البنات حتى للغرف ديالهم باش يستمني عليهم ، وهادشي لي وقع قبل يومين ملي فاقت واحد البنت ولقاتو واقف عند راسها محيد سروالو ، غوتات وهرب ، وهذا ما أدى بباقي الفتيات الى المبيت في العراء ليومين ، دون أن تستجيب الإدارة الى مطالبهم بخصوص توفير الأمن والكرياج ، وشروط انسانية للدراسة .
الموشكيل الكبير هو أن البنات ملي تشكاو للمسؤولين فالإدارة ، قام أحد المدراء البيداغوجيين فالمؤسسة بسب البنات واهانتهم ، وعتابرهم السبب في ما يحصل من تسيب لأنهم هوما لي كيدخلو صحابهم ووصفهم برباعة ديال السلكوطات ، هاد العنف اللفظي والسلوكي ديال المدير اتجاه التلميذات بالإضافة الى التحرش اليومي قبالة المؤسسة وحتى داخلها حاليا ، خلى الأمور جد مؤساوية بالنسبة للطالبات لي عوالين يزيدو الليلة التالتة فالعراء
