الرئيسية > آش واقع > تقرير: شكون لي جيشو اقوى من لاخور حنا ولا اسبانيا؟. فالجو والبحر فايتينا ولكن فالبر غادي نطحنوهوم
17/01/2021 14:30 آش واقع

تقرير: شكون لي جيشو اقوى من لاخور حنا ولا اسبانيا؟. فالجو والبحر فايتينا ولكن فالبر غادي نطحنوهوم

تقرير: شكون لي جيشو اقوى من لاخور حنا ولا اسبانيا؟. فالجو والبحر فايتينا ولكن فالبر غادي نطحنوهوم

يونس أفطيط-كود///

بعد الكثير من اللغط الاعلامي لي وقع بين المغرب واسبانيا مؤخرا، خصوصا تصريحات العثماني، لي هضرات على مغربية سبتة ومليلية، الصبليون مشاو كيقارنو بين جيش اسبانيا والمغرب.

المقارنة لي دارت فموقع غلوبال فاير باور المتخصص فالجيوش العالمية، بينات تفوق اسبانيا من ناحية اقوى الجيوش، واللي كيحتل الرابة 18 عالميا، في حين المغرب عندو الرتبة 53، ولكن هادشي كيف كيقولو جميع الخبراء فالعالم كيبقى نظري، لأنه ساعة الحرب مكيهمش قوتك بقدر مكتهم استراتيجية الحرب ديالك، والليبينات عبر التاريخ ان الاستراتيجية غلبات فالكثير من الاحيان القوة.

وحسب موقع غلوبال فاير دائما فاسبانيا كتتفوق على المغرب جوا فعدد الطائرات، وكتتفوق عليه بحرا ايضا فعدد القطع البحرية، ولكن ملي كتجي لتعداد الجيش المغرب فايتها بزاف، وملي كتجي للعتاد البري من دبابات ومدرعات فالمغرب مضوبلها بزاف بزاف.

الحرب الجوية

يلا مشينا من ناحية الحرب الجوية، غانعرفو أن اسبانيا تقدر تطحننا يلا ناضت حرب بيناتنا، حقاش هي عندها 519 طائرة حربية مقابل 249 عند المغرب، وهاد 519 فيها الطائرات القتالية، والتدريبية، وطائرات النقل….

ولكن فلغة الحرب مكتنفعش الطائرات، بقدر ما خاص تكون عدد ساعات الطيران عند الطيارين الحربيين مرتافعة، هادشي هضرو عليه بزاف منهم انور السادات فحرب مصر مع اسرائيل، ووضح ان أكبر مشكل كان عندهم هو الخبرة القتالية ديال الطيارين اليهود، واللي كتوصل لعشرة آلاف ساعة طيران، في حين أن الطيار المصري ماكانش واصل حتى للنص، وهنا بانت الغلبة ديال الطيران الاسرائيلي.

ولكن ملي كاتجي تشوف التدريب المغربي او الاسراني،غاتلقاهوم بجوجهوم على مستوى عالي، ولكن المغرب مازال غادي يتسلم طائرات حربية بدون طيار من أمريكا، ماكايناش عند الصبليون.

الحرب البحرية

ملي كنجيو للحرب البحرية كنلقاو اسبانيا متفوقة علينا أيضا، حقاش عندها حاملة طائرات، وحنا ماعندناش، وعندها حداش فرقاطة حنا عندنا ستة، ولكن ماعندهوم حتى كورفيط وحنا عندنا وحدة.

من ناحية الغواصات حتى هي ماعندنا حنا حتى وحدة، وهوما عندهوم جوج غواصات، والالغام البحرية تا هي ماعندناش وهوما عندهوم ستة.

ولكن عندنا واحد التفوق كبير عليهم بحريا واللي مامذكورش فالموقع، هو انه عندنا 12 صاروخ متطور مضاد للسفن الحربية، وهوما ماعندهوم حتى واحد منو وهادشي كان خالع الصبليون وكان موضوع سؤال دارو فريق حزب بوكس فالبرلمان الاسباني للحكومة.

وملي نرجعو لاستراتيجية الحروب كنلقاو بان أسطورة الاعتماد على القطع البحرية الكبيرة فالحرب انتهت هادي عقود، وبان بأن حتى الزوراق السريعة الحربية كتقدر دمر الفرقاطات لكبيرة، كيف وقع للفرقاطة ايلات، لي كانت فخر الاسرائيليين، وتم تدميرها بقوارب صغيرة.

الحرب البرية

ملي كانجيو للحرب البرية، كنلقاو بأن المغرب متفوق بشكل ضخم، وغانبداو بتعداد الجيش لي كنلقاو ان المغرب عندو 310 عسكري نشط، في حين ان اسبانيا يالاه عندها 125 الف، اما قوات الاحتياط فالمغرب عندو عشرة اضعاف اءبانيا منها، هي عندها 15 الف جندي، والمغرب عندو 150 الف جندي احتياطي.

الدبابات تا هي عندها منها رقم كبير وصل لأزيد من 3 الاف دبابة، بينما اسبانيا يالاه عندها 327 دبابة.

وبالنسبة للمدرعات فالمغرب عندو 8000 مقابل  3500 عند الصبليون، وفالعموم فالقوة المغربية البرية متفوقة بزاف على القوة الاسبانية، ولكن المشكل هو أنه صعيب بزاف تكون حرب برية بين المغرب واسبانيا بسباب البحر، لانها غاتبدا بالتأكيد جوية وبحرية، وتقدر تسالي برية وطبعا لي ربح الجو والبحر، غايربح بسهولة البر.

موضوعات أخرى

28/03/2024 09:00

محكمة فالصبليون برأت المتهمين فقضية لكسيدة اللي ماتو فيها 8 ديال المغاربة ف اسبانيا عام 2008

28/03/2024 07:00

سمية الخشاب دخلات طول وعرض فبرنامج الكاميرا الخافية ديال رامز جلال: هادي جريمة كيعاقب عليها القانون

28/03/2024 03:00

السروال ديال مقدم برنامج بريطاني داير أزمة فكوريا الجنوبية.. ها شنو دارت القناة ديالهم- فيديو

28/03/2024 02:00

مصور عندو 71 عام اتاهم الوالد ديال تايلور سويفت أنه تعدا عليه بالضرب ملي كان كيصورها