كود كازا//

كشف تقرير علمي لليونسكو بعنوان “السباق مع الزمن من أجل تنمية أكثر ذكاء”، أن أقوى تمثيلية للعيالات فمجال الهندسة كاينة عند دول الشرق الأوسط وشمال إفريقيا، وتحديدا المغرب بنسبة 42,2 فالمية، وتونس بنسبة 44,2، والجزائر بنسبة 48,5 فالمية.

وفالمقابل، كشف التقرير، اللي تنشر هذ الشهر وكيتعتبر الأحدث للآن، أن مجموعة من الدول المتقدمة نسبة النساء فيها اللي كيتخرجو من مدارس الهندسة ضعيفة بزاف، بحال فرنسا اللي فيها غير 26,1 فالمية، وميريكان (20,4 فالمية) وكندا (19,7فالمية)، واليابان (14 فالمية).

وعبرات اليونسكو، فتقريرها، على إدانتها لتدني نسبة خريجات مدارس الهندسة الإناث فالعالم، حيت النسبة ديالهم فالطوطال غير 28 فالمية كقارنة مع الذكور، وفتكنولوجيا المعلوميات 40 فالمية.