25/04/2024 18:30
تزامنا مع إعلان الحكومة عن قرب المصادقة على مشروع القانون الجنائي.. جمعية أقليات طلقات عريضة دولية للمطالبة بإلغاء تجريم المثلية فالمغرب
كود-بروكسيل//
نشرت المخابرات البلجيكية الداخلية المعروفة باسم ” أمن الدولة ” la VSSE تقريرها السنوي اللي كتعرضو على البرلمان و على العموم ف موقعها الالكتروني و اللي كتخصصو باش تهضر على حاجياتها المادية و البشرية و على خططها مستقبلا و كتعرض كل المخاطر اللي كتعرض ليها بلجيكا بشكل ملخص.
وكالعادة خصصات شي صفحات ف التقرير لليمين المتطرف و اليسار المتطرف و شبكات التجسس الصينية و الروسية و ايضا للخطر الجهادي الاسلامي، كما هضرو على شبكات المساجد التركية اللي مالية البلاد ولكن هاد العام خصصو تقرير خاص غير للسلفية زائد على التقرير العام الاول..و اللي كان بحال شي تعريف مقتضب بالسلفية عموما و تنويعاتها و تياراتها و الاختلافات بيناتهم و طرق نشر افكارهم ف المساجد و المدارس و الفايسبوك و ايضا السجون البلجيكية .
ومما جاء ف التقرير الافكار التالية اللي ترجماتها ” كود” : علاش كتشكل السلفية مشكل ف المجتمع البلجيكي؟
-السفليون كايعتبرو الشريعة اسمى من القانون البلجيكي و بالتالي كايعطيو الاهمية اكثر للمشايخ و الائمة باش يفكو المشاكل و القضايا اللي عندهم. كما انهم كايتزوجو عرفيا.
-كايوزعو ف فترة الانتخابات اوراق و اعلانات و فتاوي بيناتهم باش يقاطعوها و يدعون الاخرين للمقاطعة بدعوى انها حرام.
-السفليون كايامنو بتعدد الزوجات و كايمارسوه وخا غير قانوني
-السلفيون كايرغمو بناتهم و اخواتهم وزوجاتهم على البقاء ف المنزل ومايكخلوهمش يخرجو وخا عند الطبيب وكايفرضو عليهم اختيارتهم وخا ف الزواج
-كايرفضو يديرو علاقات عادية مع غير المسلمين يهود ومسحيين و و حتى بعض المسلمين المخالفين ليهم
-بعضهم كايشرعو السرقة من الاخرين و كايعتبروها غنيمة حرب
-كايديرو التعليم ف المنزل بدل التعليم العمومي وكايعلمو فيه الكراهية و التطرف للاطفال
-كايمارسو مايسمى بالطب النبوي و الرقية و اللي فيه امخاطر ومخلط بالشعوذة و سلوكات سحر وفيه العنف
للاشارة هاد المخابرات تابعة لوزارة العدل ف بلجيكا و عندها فرع كايخدم على برا و عندهم ايضا مخابرات عسكرية تابعة للجيش بطبيعة الحال.
