كود ميدلت////

علمت “كود” أن عدد البوليس لي تقاصو بـ”كورونا” فيروس فميدلت ارتفعو. مصدر مطلع أكد أن الحصيلة وصلات لـ19 بوليسي عندهوم كرادات مختلفة، ويخضعون حاليا للعزل الصحي باش يستافدو من البروتوكول العلاجي لي دايراه وزارة الصحة.

ومن بيه البوليس لي تقاصو بالفيروس كاين رئيس الشرطة القضائية فميدلت ورئيس الاستعلامات العامة، وعناصر أمنية أخرى. مصدر “كود” أكد بأن رئيس المنطقة الإقليمية للأمن طلعات النتيجة ديالو سلبية لكن وخا هكاك غادي يمشي للمستشفى العسكري.

مصدر “كود” أن بأن هاد رئيس المنطقة الأمنية عندو مرض مزمن، وتعرض مؤخرا لوعكات صحية متتالية.

نرجعو للبوليس لي تقاصو بالوباء ومنين جابو الفيروس المستجد. فحسب مصدر “كود” فإن شي بوليسي كان كونجي وجابها معاه وقاص صحابو، وباقت كورونا غادية بين البوليس.