وكالات //
كَارديانة ديال حبس فولاية ألاباما، نوضات الروينة مؤخرا فجميع أنحاء ميريكان، بعدما تأكد أنها فعلا عاونات المحابسي، كاسي كول وايت (38 عام)، اللي محكوم ب76 سنة في قضية قتل، على الهروب.
وكالات //
كَارديانة ديال حبس فولاية ألاباما، نوضات الروينة مؤخرا فجميع أنحاء ميريكان، بعدما تأكد أنها فعلا عاونات المحابسي، كاسي كول وايت (38 عام)، اللي محكوم ب76 سنة في قضية قتل، على الهروب.
الكَارديانة، فيكي وايت (56 عام)،”عماها الحب” وباعت دارها وكَاع ممتلكاتها وقررات أنها تعاون محابسي خطير يهرب وتمشي معاه، وهادشي اللي صدم كَاع الناس اللي كيعرفوها لأنها معقولة وسلوكها مزيان فالخدمة.
الكاميرات ديال المراقبة فالحبس بينات الكَارديانة وهي كتحل باب الحبس على خاطرها، يعني فرضية تهديدها وبزز عليها ما بقاتش كاينة عند البوليس.
بوليس ميريكان ما بقا عندهم ما يدار من غير هاد القضية، وجندو فرق خاصة فكل نواحي البلاد باش يطيحو على المجرم اللي سالت، واللي كيتعتابر خطير، والكَارديانة اللي هرباتو.