هناء ابو علي كود الرباط ///

كريم التازي رجل الاعمال واحد من 35 عضو ختارهم الملك محمد السادس باش يكون فلجنة شكبب بنموسى الخاصة بالنموذج التنموي. المشكلة فين كاينة. هاد السيد اللي شرى تيل كيل وخرج منها بطريقة مبرهشة خفيف وكيتزريط. ما عارفش اش باغي مرة مع اليسار الموحد مرة مع العدل والاحسان مرة معارض للملكية مرة بوق ليها. 

مشكلتو كذلك انو باش ناض هاد الصداع على اخنوش على ود تصريحو فتجمع حزبي فميلانو السي كريم التازي خلى اعمالو وخلى كلشي ومقابل كاع المقالات المقودة اللي كتنتاقدو ولا كتسبو وكيبارطاجيها مع صحابو وصحاباتو فكاع المجالات. 

واش هاد النوع من المراهقة فيه اللي جا فالديوان الملكي ان اللجنة تضم “كفاءات مغربية تعمل داخل الوطن وبالخارج ، مشهود لها بالعطاء والالتزام، تنخرط في القطاعين العام والخاص، أو في المجتمع المدني”.

الحاجة الوحيدة اللي فيه هو انو صاحب شكيب بنموسى ودبر عليه صاحبو وصافي.