الرئيسية > آش واقع > تعيينات القضاة الجديدة. مزيانة ولكن شرحو لينا علاش تعفاو 5 وعلاش يالله جوج نساء اللي شملاتهم الحركة
13/11/2019 12:30 آش واقع

تعيينات القضاة الجديدة. مزيانة ولكن شرحو لينا علاش تعفاو 5 وعلاش يالله جوج نساء اللي شملاتهم الحركة

تعيينات القضاة الجديدة. مزيانة ولكن شرحو لينا علاش تعفاو 5 وعلاش يالله جوج نساء اللي شملاتهم الحركة

كود احمد الطيب الرباط ///

البارح لثلاث خرجات الحركة الانتقالية الجديدة لقضاة ووكلاء الملك ورؤساء المحكمة بعدد من المدن، والتي شملت 32 مستشارا ووكيل عاما ووكيلا للملك.

نقطة ايجابية فهاد التعيينات وهي هاد المرة على العموم كانت قرارات المجلس الاعلى للسلطة القضائية رصينة. تم اعفاء مسؤولين قضائيين من مدن منها مراكش واسفي ووارزازات ووجدة وما عطاوهم حتى منصب.

هنا مزيان ولكن ما كافيش. خاص جوجت الامور. تفعيل جوجت المبادئ دستورية: الحق فالمعلومة وربط المسؤولية بالمحاسبة.  هادو اللي تعفاو خاص شرح علاش تعفاو. باش المسؤولين القضائيين يستافدو من هاد الاعفاء. ايلى كانو دارو اخطاء يشرحو اش نا هي هاد الاخطاء ولا كانو عياو وبغاو يرتاحو او لاسباب صحية٬ يعرفوها لمغاربة.

قضية ربط المسؤولية بالمحاسبة اللي كيشدد عليها الدستور٬ خاص نعرفو واش هادو دارو شي خطأ ولا اللا. واش هاد الخطأ بسيط ولا جسيم. القضاة خاصهم يكونو قدوة للسياسيين ولكاع لمغاربة. هما مؤتمنين على لبلاد خاصهم يعطيو المثال. تحيد الوكيل العام ديال وجدة. يشرحو علاش وكيفاش.

هاد التعيينات فقراءة اخرى ما اختالفاتش على التعيينات للي كانت قبلها. جابو قضاة متخصصين فمحاكم تجارية وعطاوهم مناصب فالمحاكم الابتدائية التجارية. هاد الشي كيأثر على التخصص.

نقطة اخرى وهي ان النساء القاضيات ما كانوش تقريبا. فمن اصل 32 تعيين يالله جوج اللي طلع ليهم الجوك. نادية امزاوير اللي تعينات رئيسة المحكمة الابتدائية بتمارة ومليكة اشكورة اللي تعينات فالمحكمة الابتدائية الاجتماعية بالدار البيضاء وجات من المحكمة التجارية. يا اما النساء القاضيات كيديرو خدمة مزيانة فين كاينات دابا ولا المرأة فكاع القطاعات فالبلاد مهمشينها.

هنا خاص المجلس الاعلى للسلطة القضائية يشرح ويوضح كذلك.

موضوعات أخرى

28/03/2024 18:30

الحشيش اللي شدو البارح وتقتل فيه بزناس طلع عندو علاقة بالحشيش لي لقاوه فسيدي رحال و”گود” جابت تفاصيل العملية

28/03/2024 18:00

تهديدات داعشية بالقتل لناشطات فالحريات الفردية. نادر ل”كود”: وجود لائحة كيبين باللي كاين رصد وتتبع وهاد الشي ما كيخلعنيش

28/03/2024 17:30

فيومين.. شكايات جداد بـ”الفساد المالي” طاحوا عند الوكيل العام ففاس.. ومصدر لـ”كود”: وحدا فيها مشات للبحث والباقي قيد الدراسة

28/03/2024 17:00

واش هيرفي رونار كيضغط على الركراكي باش ياخد بلاصتو؟ الفرنسي جاهم من اللخر: باغي نلعب مونديال 2026

28/03/2024 16:30

خبير صبليوني لجورنال “أ. ب. ث”: المغرب دولة ذات سيادة وقادرة تدير مناورات بحرية فين ما بغات من مياهها الإقليمية والوقت اللي يناسبها بلا إذن شي طرف خارجي

28/03/2024 16:20

رقم معاملات “لوسيبي” وصل لـ91,27 مليار درهم فعام 2023 وخا كان انخفاض كبير فأسعار المنتجات الفوسفاطية

28/03/2024 15:30

بوليس سيدي قاسم شدو 4 فيهم واحد قاصر بانو ف فيديو هازين السيوفا وكيسبو فمؤسسات وموظفين عموميين وكيحرضو على تنفيذ اعتداءات