كريم الشركي – كود //

علاش المغربي ملي كيطلع لأوروبا كيقدر يدير الحاجة اللي مايقدرش يديرها فالمغرب؟، هاد السؤال كينطبق على حالة المغربي أحمد بو طالب، عمدة مدينة روتردام الهولندية، اللي خدا جائزة أحسن عمدة في العالم لسنة 2021، هو والفرنسي فيليب ريو عمدة مدينة ڭرينيي الفرنسية.

هاد الجائزة كتعطيها مؤسسة “City Mayors Foundation” اللي كاينة فلندن، وعطات هاد العام الجائزة لبو طالب، بعدما تفوق على 30 عمدة من مختلف دول العالم، من بينهم ديال واشنطن وديال دلهي والعديد من عمداء المدن الكبرى فالعالم.

المؤسسة وضحات أن العمدة بو طالب كيتعامل مع كل المواطنين على أنهم من روتردام دون تمييز وماكيتسوقش لأصلهم ومنين جاو أو شي حاجة أخرى.