وكالات //

غادي يدوز المغني الميريكاني آر كيلي 30 عام ديال الحبس بتهمة الاعتداء الجنسي على عدد ديال العيالات والدراري الصغار.

مغني “I believe i can fly”، اللي عندو 55 عام، بقا لمدة عام تقريبا وهو ناكر جرائمو ومحاميه كيطالبو بالاستثناف، لكن المحكمة دبا قالت كلمتها اللخرة فالضوصي الخانز ديالو.

اللي نجاو من جرائم المغني المغتصب قالو أنه هانهم بزاف وضحك عليهم ومارس عليهم الجنس بزز وبطريقة خايبة وما فيها ما يتعاود.

وأنجيلا اللي ساهمات بزاف باش تفرتكات هاد الرمانة شبهات المغني “R. Kelly” بشخصية “الغياط هاملين” الخرافية اللي كان كيسحر الدراري الصغار بالغيطة وكيختاطفهم لواحد الغار، وأكدات أنه شرير والشر والوحشية ديالو كتزاد مع كل ضحية جديدة.