نجوى المالحي -كود//

قضية الكوميدي أمين الراضي قسمات المغاربة بين لي طانز ومامسوقش وبين لي كيدافع عليه وبين لي كيغبر الشقف للبوليسي.

لي كيبان في الفيديو لايف لي دار أمين هو أن البوليسي تلاح عليه باش يمنعو من التصوار، الكوميدي جرا باش يهرب طاح ولاخر بان فوق منو. في الصحافة المقال المتوازن كيكون فيه الرأي والرأي الآخر.

في قضية البوليسي والكوميدي خاص نعرفو رواية رجل الامن، كيفاش وعلاش حتى مد عليه يدو؟ واش قال ليه حمار نيت؟ واش ضربو لفمو حتى سال دم؟ هادشي كامل الا كان داير الكاميرا في لبسة ديالو  غادي يبين الحقيقية. وديك الساعة لي ظالم يتعاقب.

وبزاف ديال المشاهير عبرو عن تضامنهم مع الراضي، والصور ديالو ولات الأكثر انتشارا على مواقع التواصل الاجتماعي.