وكالات //
حكمات محكمة مكسيكية بالحبس على “فيسينتي كارييو فوينتيس” (Vicente Carrillo Fuentes)، الزعيم السابق ديال “كارتل خواريس” اللي تشد في أكتوبر 2014، بالسجن 28 عام.
البزناس الكبير ملقب بـ”إل بيسيروي” (El Viceroy) وهو خو “أمادو كارييو” اللي كان واحد من أكبر تجار المخدرات في أمريكا الجنوبية.
الكارتل تدكَدكَ و فقد القوة ديالو من بعد اعتقال فيسينتي فـ2014، وهو اللي كان تولى الزعامة ديال العصابة من بعد الموت ديال خوه أمادو.
فيسينتي تحكم عليه بالحبس لمدة 28 عام في قضية الاتجار فالمخدرات وتبييض الفلوس وتخزين الأسلحة.
كارييو كان تشد في ولاية كواويلا (Coahuila) المكسيكية حدا الحدود مع ميريكان.