كود سبور//
مجموعة تسونامي الديمقراطية كتهدد من جديد كلاسيكو برشلونة وريال مدريد الإسبانيين نهار الأربعاء الجاي بملعب كامب.
هاد المجموعة المؤيدة لانفصال كتالونيا بدأت كتخطط، باش تنظم وقفة احتجاجية قدام الملعب ساعات قليلة قبل الماتش.
مجموعة تسونامي صدرات بلاغ اليوم الأربعاء أكدت فيه بلي أكثر من 18 ألف شخص سجلوا أسماؤهم، باش يختحو نهار الكلاسيكو.
وأكدت صحيفة ماركا الإسبانية، أن مجموعة تسونامي طلبات من إدارة برشلونة باش تعلق اللافتات نهار الماتش، واعتبرت هاد الشرط أساسي باش يدوز الكلاسيكي في أحسن الظروف “خاص نادي برشلونة يسمح لينا نعلقو اللافتات ديالنا فالمدرجات نهار الماتش. إنه مطلبنا الأساسي”.
برشلونة الإسباني أصبح معرض لعقوبات قاصحة الا تأجل الكلاسيكو من جديد، حسب القوانين المعمول بها لدى الاتحاد الاسباني لكرة القدم.
