كود وجدة//

كشف زبناء اوطيل سانك ايطوال فالسعيدية (be live)، في اتصال مع “گود” بلي تعرضو لحالة تسمم لبارح بالليل، هادشي خلاهم يمرضو ومنهم لي مشاو للمستعجلات.

وكشف مصدر من عين المكان، في اتصال مع “گود”، بلي الناس كتحتج على هاد المصيبة لي وقعات وتساءل كيف يعقل ناس جات وخلصات 3000 درهم لليلة وفالاخير تعرضو لتسمم جماعي ومكاين لي يتسوق ليهم.

فاش بداو الكليان يغوتو عاد بدات إدارة لوطيل كتحرك. وفيديو توصلت به “گود” فيه ناس كيحتجو.

والمصدر نفسه أكد لـ”كود” بلي كاينا كثر من حالة تسمم، من ضمنهم افراد عائلته.