عفراء علوي محمدي- كود//
عرفات “كود” من مصادر محلية بللي اليوم تسجلات أول إصابة بفيروس كورونا المستجد بإقليم طاطا، وتحديدا فمنطقة دوار لمحاميد ففم زكيد.
المصادر أكدات أن المصاب كيبلغ 86 عام من عمرو، وجاتو أعراض قوية ديال الإصابة، حتى ضاق ليه التنفس، وداوه على وجه السرعة لمستشفى الحسن الثاني بأكَادير اللي كيبعد على المنطقة اللي كاين فيها ب400 كلم، والحالة ديالو حرجة.
وخدا الشيباني الفيروس من بعد ما كان مسافر لكازا، ورجع غير بايام من بعد الإعلان عن الحجر الصحي.
