25/04/2024 05:00
مصر عايشين فالقرون الوسطى كثر منا.. النيابة العامة ديالهم شدات بلوكَوز مشهورة بسباب فيديوهات “خادشة للحياء”
اسماء غربي – كود//
“تزوجني بلا مهر”.. حملة انتاشرات هاد الايام ف موقع تويتر ولصقوها للبنانيات وقالو انهم خرجو يتظاهرو ف شوارع بيروت حيت مابغاوش يبقاو بايرات، وهما مستاعدات يتزوجو بلا صداق غير المهم “يسترهم” راجل.
طبعا هادشي كذوب ف كذوب، وطلع كامل فايك. وصورة اللي تناقلو وكتبو عليها “#لبنانيات يتظاهرن بشعار #تزوجني بلا مهر. طلعات تصورات ف 21 اكتوبر 2019، وكيبانو فيها فعلا لبنانيات كيتظاهرو ف بيروت، ولكن ماشي باش يتزوجو، بل للمطالبة بتحسين الظروف المعيشية وإسقاط الطبقة السياسية الحاكمة.
ومن بعد ما تداولات هاد التصويرة، عرفات حملة #تزوجني بلا مهر انتشار كبير فالدول العربية بحال مصر والسعودية وغيرها، وجبدات نقاش على الصداق والزواج فالمجتمعات العربية المسلمة.
وبزاف ديال البنات العربيات قالو ان الصداق فعلا ماشي مهم ولكن حتى الزواج ماشي مهم، وماكاينش شي حاجة سميتها “العنوسة”، المهم هو تقرا البنت وتتوظف وتستاقل ماديا وداك الساعة الى رشق لها تتزوج تتزوج والى مابغاتش هداك قرارها.
