عفراء علوي محمدي- كود//

علنات شركة “كازا طرامواي”، اليوم الأربعاء، على تغيير فمواعيد الرحلات الخاصة بخطي الطرام فكازا، بشكل استثنائي، نظرا لأن اليوم ذكرى عيد الاستقلال (جور فيريي).

وقالت الشركة فبيان ليها أن المواقيت اليوم غيكونو بحال نهار الأحد، بحيث غتتقلص عدد الرحلات وغينقصو الطرامات اللي خدامين.

وكانت أول رحلة انطلقات اليوم مع 6:30 من محطة ليساسفة لسيدي مومن، ومع 6:00 من البرنوصي لعين الذياب، وآخر رحلة غتكون فخط ليساسفة مع 19:20، أما فخط البرنوصي غتكون مع 18:10.