سونطر ديال التجميل منوض روينة فميريكان.. هاكيفاش تسبب فإصابة بزاف ديال العيالات بالسيدا
محمد سقراط كود ////
طبعا كتعرفونا وكتعرفو الحمامة لي طلقها المرحومين الحسن التاني والبصري من القفص، وباقا كاتطير وماغاداش تدخل، وحتى شي إيامات جناحها تزبر وطاح منو الريش ولكن المخزن كيتهلى فالحمام ديالو، دغية داواها وسمنها وقاد ليها جنحين، حنا هوما حزب الحمامة ولكن حمامة جديدة ماشي هاديك لي كنتو كتعرفوا، حمامة زرقة كثر وكتطير مزيان وكتبعد كاع ولكن كترجع، الى عمركم سمعتوا بحمامة ليبيرالية فراه حنا هوما، وبلاصتنا ماشي المعارضة حيث المعارضة جناحها مقزب
.كنقدمو ليكم المرشح ديالنا ، الحسين بن مبارك، ختاريناه من وسط العديد من الأعيان باش يكون مرشح لهاد الدائرة، لأنه كبر فيها ولعب الباسكيط فدروبها، ومنها وفيها قرا وتخرج حتى وللى مهندس ورجل أعمال، وعلى خلاف المثل المغربي المتداول ديال طويل وهاثر، مرشحنا طويل ولكن ماهاثرش حيث كيعرف كيفاش يدبر على الريال، وكنواعدوكم أنه غادي يديركم بحال بنتو ويقدر كلكم يتوسط ليكم تخدموا ففرانسا، بتصويتكم عليه فأنتم تضمنون وساطة عابرة للقارات ماشي حدها القايد.