البرلماني السابق البوصيري جابوه اليوم من حبس بوركايز لغرفة الجنايات الاستئنافية ففاس بعدما تحكم ابتدائيا بـ5 سنين نافذة ديال الحبس
اسماء غربي – كود//
تراجع المغرب فمؤشر تنمية السياحة والسفر لعام 2021 اللي خرجو المنتدى الاقتصادي العالمي، ب4 ديال المراكز مقارنة بمؤشر 2020، وجا فالمرتبة 71 عالميا، بعد ما جاب على 3.8 نقطة على 10.
المؤشر فيه 117 دولة، جامعة تقريبا 96٪ من الناتج المحلي الإجمالي المباشر فالعالم فمجال السياحة والسفر ف 2020.
المؤشرات اللي كيعتامدو عليها هي بيئة الخدمة والأمن والأمان والصحة وسوق الشغل، والسياسات الحكومية فمجال السياحة والسفر وشحال الدولة منفاتحة، وتنافسية الأسعار، والبنية التحتية ديال المطارات وخدمات السياحة، وحجم الطلب على السفر والسياحة واستدامة القطاع.
عند العرب، المغرب تكلاصا السابع من بعد الإمارات والسعودية، وقطر، ومصر، والبحرين ، والأردن.
وفالقارة الإفريقية، مصر هي اللي جات اللولة، بعدها جنوب إفريقيا، وعاد المغرب.
وعلى الصعيد العالمي، حلت اليابان في المرتبة الأولى متبوعة بالولايات المتحدة وإسبانيا، وفرنسا وألمانيا، فيما جاءت سويسرا سادسة وأستراليا في المرتبة السابعة.