أسماء غربي -كود ///

سطاتو لي دارتو أسماء الموساوي مرات توفيق بوعشرين على العاملين في مؤسسة “media21” لي فيها “أخبار اليوم” و”لليوم24″، عوض ما تبرد السخونية لي كاينة الداخل بسبب الأزمة زادت شعلاتها.

صحافي خدام مع بوعشرين سنوات هادي قال ل”كود” أن زملاء بحال ايها الناس تفاجؤوا من الهضرة لي قالت مرات بوعشرين ولي فيها تقليل كبير منهم واخة كلمات الاحترام والتقدير لي كتبات حيت معارفاش ضومين ومعارفاش يمكن أن الصحافيين كيخدمو الأحد باش تخرج الجريدة الاثنين وسيت خدام 7/7 من 8 تال ما بعد منتصف ليل.

وأضاف “من حقها تعبر على شنو قلقها وشنو معجبهاش ولكن كان ممكن تسول وتعرف قبل ما تحكم على ناس وقفوا مع توفيق ملي تسدات الجريدة سنوات هادي وصحافيين مازال خدامين بنفس الطريقة واخة الأزمة والخناق لي كتعرفو المؤسسة وكيتقسم ليهم صالير على جوج وكيتخلصو حتال 14 في شهر”.

وحسب مصدر ديال “كود” كاين مسؤولين في الموقع والجريدة ماعحبهمش شنو دارت أسماء حيت خرجات أمور داخلية للي كان ممكن تسول وتعرف الجواب وفضلات تكتب في فايسبوك.