نجوى المالحي-كود//
كيف قلنا من قبل، قدرات الفنانة المغربية بسمة بوسيل وراجلها تامر حسني أنهم يخلقوا الجدل في الأيام لي فاتت ويديرو البوز على مواقع التواصل الاجتماعي، بعد إعلان الانفصال ديالهم.
بسمة بوسيل وراجلها من بعد الضجة قرروا يرجعوا لبعضياتهم بستوريات على انستكَرام، تبادلوا فيهم كلمات شي شافها فيها الحب، وشي شافها فيها بزاف ديال التلاعب وخاصة داكشي لي كتب تامر حسني لي بان بحالا كيربي فمراتو ماشي كيعتابرها ند ديالو.. والمهم طبعا من هادشي كامل هو انهم تصدرو الأخبار في كاع المواقع المغربية والعربية.
و مصادر لقريبة من الكوبل المثير للجدل، أكدوا في تبركيكة لـ”كود” أن القضية كانت ملعوبة بيناتهم، والبوز لي داروه عمرهم كانوا يديروه واخا يخرج تامر حسني ملحمة ماشي غير أغنية.
