نجوى المالحي-كود//
المغنية المعتزلة بسمة بوسيل مقاداها فرحة حيت راجلها المغني المصري تامر حسني دخل الموسوعة گينيس للأرقام القياسية وولا أكثر فنان مؤثر وملهم في العالم.
المصممة حطات فيديو كيوثثق لحظة الاعلان وكتبات عليه كلمات حب وافتخار.
في المقابل هاد دخول الموسوعة خلا بزاف ديال الناس يسولو واش الأمر حقيقي، حيت عادة الموسوعة مكيترشحوش ليها الناس باش يدخلو ليها، وثانيا لأنها كتهتم بالأرقام وماشي بالألقاب.
وكاين لي اكد ان ترشيح تامر حسني على الجائزة كان نظرا لحصوله على 3 جوائز مؤثرة، منها جائزة أول فنان عربي حط بصمتو فى هوليوود.
