العصبة الاحترافية والاندية المغربية متضامنة مع نهضة بركان وكتستنكر الاعتداء الجزائري على الفريق والمساس بخريطة المغرب
وكالات //
قدامت كورالي دوبوست (Coralie Dubost)، النائبة المشهورة في حزب الرئيس الفرنسي إيمانويل ماكرون، استقالتها من البرلمان حيت كتخسر 2000 يورو شهرياً باش تشري ملابس داخلية من نفقاتها البرلمانية. وهادشي بالنسبة ليهم نوع من تبديد المال بشكل معيق، خصوصا فهاد الأزمة اللي الفرنساويين كيحاولو فيها بتقشف كبير والبكشايف يسلكو الشهر.
دوبوست وعلى حساب صحيفة “The time” البريطانية خرجات بسباب هاد لافير من البرلمان بعدما أكد تحقيق أنها “كتستغل المساعدين ديالها باش يتجسسو على الموظفين وكيصلحو ليها حوايجها ويسيريو ليها صبابطها. كتستغلهم بزاف”.
البرلمانية تسببات فإحراج للرئيس ماكرون اللي كيعتابرها من البرلمانيات المهمات فالحزب ديالو، واللي كان كيدافع عليها باش تاخد مقعد مرة أخرى فالبرلمان الفرنسي بعدما تنتاخب رئيس الجمهورية الفرنسية لولاية ثانية مؤخرا.
و السياسية اللي عندها 39 عام نفات كَاع التهم اللي جابهم التحقيق، وقالت أنها ضحية عصابة كتسعى باش طيحها، وهادشي علاش غادي تقدم استقالتها من البرلمان ومن العمل السياسي فمرة.
ويبدو أنها حيدات الكونط ديالها ف”تويتر”، اللي مابقاش كاين، وهو نفسو اللي علنات فيه سابقا قرارها باعتزال السياسة.