وكالات-كود//
النجمة الميريكانية الشهيرة بيونسي خرجات مجموعة ديال الحوايج فيهم تصويرتها والسينياتور ديالها باش الناس ياخدوها كادوات في نويل.
وكانت جريدة الديلي ميل نشرت، مجموعة من اللقطات لهاد الملابس نقلا عن الصفحة الرسمية ديال بيونسي، وكان من ضمنها مجموعة من المقصات الشتوية، فيها صورة بيونسي في اللبسة ديال ماما نويل ، بالإضافة لبعض الاكسسوارات حتى هما فيهم صورة بيونسيي، مخصصة لان تعلق على شجرة نويل.
آخر ظهور للنجمة بيونسي كان في الحفل لي دارو راجلها مغني الراب العالمي جاي زي، ديال مؤساستو Sean Carter Foundation، كيجمع فيه التبرعات للطلبة لي معندهمش باش يخلصو فلوس دراستهم بالجامعات.
